2024 жылы теңгенің долларға шаққандағы бағамы жылына орта есеппен $1 үшін 474,3 теңгені құрауы мүмкін, деп хабарлайды LS.

AERC* хабарлағандай, бұл болжам келесі жылғы ағымдағы операциялар шотының үлкен тапшылығына байланысты.

Бұл ретте биылғы жылы орташа есеппен USD/KZT жұбы $1 үшін 458,2 теңге деңгейінде қалыптасуы мүмкін.

Сарапшылар ұлттық валютаның тамыз айынан бергі арзандауын 2025 жылғы 1 қаңтарға дейінгі валюталық кірістің 30%-зы міндетті сатуды тоқтата тұрумен және елдің экспорты мен импортының серпінімен байланыстырады.

Инфляцияға келетін болсақ, AERC орталығы 2023 жылға арналған тауарлар мен қызметтер бағасының орташа жылдық өсуі 13,5% (ж/ж) деңгейінде, ал 2024 жылы-жоғары базаның әсері аясында 8,6% (ж/ж) дейін күтілетінін жеткізді.

Сонымен қатар, AERC орталығында қазақстандықтардың номиналды және нақты ақшалай табыстары бойынша болжамдар айтылды.

"Номиналды жалақының өсу қарқынын ескере отырып, біз халықтың номиналды ақшалай табысы 2023 жылы орта есеппен 18,6%-ға (ж/ж) өседі деп күтеміз. 2024 жылы олардың орташа жылдық өсу қарқыны 17,6%-ға дейін баяулайды", — деп атап өтті ұйымда.

Инфляция болжамдарының өзгеруіне және ағымдағы жылға арналған номиналды ақшалай кірістердің өсуіне байланысты AERC нақты ақшалай кірістердің өсу бағасын 4,8% — ға дейін айтарлықтай төмендетті. Ал шілдедегі макроэкономикалық шолуда бұл көрсеткіш 8,5% құрады.

"2024 жылы жағдай біршама жақсарады: болжамға сәйкес нақты ақшалай кірістер инфляцияның елеулі баяулауы есебінен 7,5%-ға (ж/ж) өседі", — деп нақтылады сарапшылар.

Жалпы республиканың нақты жалпы ішкі өнімі ағымдағы жылы 4,6%-ға өсуі мүмкін. Сарапшылар шілдемен салыстырғанда өз бағаларын 0,2 п.п. жақсартты, алайда келесі жылы олар бұл көрсеткіштің 4,2%-ға дейін баяулауын күтуде.

* AERC — қолданбалы экономикалық зерттеулер орталығы.