«Российская газета» Эчке эшләр министрлыгы идарәсе мәгълүматларына таянып язганча, ир-ат салмыш хәлдә өенә кайткач, сөяркәсе янында ахирәтенең утырып торуын күргән. Аның уйлавынча, әлеге хатын-кыз сөяркәсенә начар йогынты ясаган. Бу исә ир-атны нык ярсыткан.

Әрләшкәннән соң туташ ваннага кереп качкан, әмма ир-ат ишекне каерып ачып, тегене тотып алган да пычак белән яный башлаган. Туташ, ир-ат игътибарын нәрсәгәдер күчергән арада, ирнең кулыннан ычкынып, икенче бүлмәгә йөгереп кергән һәм балконнан аска томырылган. Бәхетенә, бернинди дә зыян килмәгән.

«Үтерү белән янау» статьясы буенча җинаять эше кузгатылган.