Ұлттық банк зейнетақы қаражаты есебінен АМТ (Qarmet) сатып алу мүмкіндігі туралы ақпаратқа түсініктеме берді, деп хабарлайды LS.

Желтоқсан айының басында Қазақстан үкіметі мен ArcelorMittal халықаралық компаниясы Qazaqstan Investment Corporation "АрселорМиттал Теміртау"және ArcelorMittal Tubular Products Aktau JSC кәсіпорындарын сатып алу туралы келіссөздерді аяқтады. Кейінірек бұл активтер жаңа инвестор – кәсіпкер Андрей Лаврентьевке берілді.

Осы мәмілеге қатысты БЖЗҚ-дан қаражат тартылған болуы мүмкін деген ақпарат белсенді талқыланған болатын. Алайда, Ұлттық банкте бұл болжамды жоққа шығарылды.

"БЖЗҚ-ның "АрселорМиттал Теміртау" облигацияларын сатып алуы туралы ақпарат шындыққа жанаспайды. БЖЗҚ зейнетақы активтері АМТ-мен жасалатын мәмілелерге қатысқан жоқ", — делінген LS редакциясының сұрауына берілген жауапта.

Естеріңізге сала кетейік, өнеркәсіп және құрылыс министрі Қанат Шарлапаевтың айтуынша, мемлекет екі активтің құнын $3,5 млрд-тан $286 млн-ға дейін төмендете алды.

Осы уақытта Лаврентьев ArcelorMittal бас компаниясы алдында төрт жыл ішінде $250 млн қысқа мерзімді және ұзақ мерзімді $450 миллион қарызды өтеу бойынша міндеттеме алды.

Қараша айында ел үкіметі қазақстандықтардың зейнетақы жинақтарын индустрияландыру, көлік және инфрақұрылым саласындағы жобаларды қаржыландыруға пайдаланғысы келетіні белгілі болды. Шенеуніктер бұл қаражаттың толық қайтарылатынына сендірсе де, сарапшылар сыбайлас жемқорлық тәуекелдеріне алаңдаушылық білдіріп отыр.