Яшел Үзән районында урманда адашкан ике хатын-кызга коткаручылар ярдәм күрсәткән.
Бу хакта Россия Гадәттән тыш хәлләр министрлыгының баш идарәсенең матбугат хезмәте хәбәр итә.
Хатын-кызлар Ивановское авылы янындагы урманлыкта адашкан. Алар ашыгыч ярдәм номеры буенча шалтыраткан, тик элемтә өзелгән. 2нче зона эзләү-коткару отряды хезмәткәрләре хәбәр алуга эзләү эшләренә керешкәннәр. Нәтиҗәдә, 48 яшьлек ике хатын-кызны табып, өйләренә кайтарып куйганнар.